Ginakalipay sang Testing Czar Head sang pungsod ang pagtukod sang Offsite Dormitory para sa mga medical staff sang Teresita Lopez Jalandoni Provincial Hospital kag Corazon Locsin Montelibano Memorial Regional Hospital(CLMMRH).
Sa interview sang Bombo Radyo kay Chief Testing Czar Vivencio Dizon, ginpahayag sini nga tuman ka mapinuslanon ang nasambit nga offsite laboratory para sa mga health workers bangud makahatag ini sa ila sang lugar agud makarelax matapos ang makapoy nga ubra subong man makaprotekta sa ila mga pamilya sa posibilidad nga matapikan sa COVID-19 kun magpauli ang mga ini sa ila balay.
Suno kay Dizon, antes ang mga health workers nga magpauli sa ila puluy-an, sarang sila nga maka-isolate anay sang ila kaugalingon sa dormitoryo sa sulod sang duha ka semana.
Suno diri, ang kada kwarto ang may yara sang kaugalingon nga aircon, hot water kag kaugalingon nga kusina.
Bangud diri, tuman ang pagpasalamat sini sa Department of Public Works and Highways sa nasambit nga proyekto.
