UKRAINE — Padayon nga nagalala ang death toll sang mga sibilyan sa Ukraine matapos ginbomba sang Russian troops ang isa ka tiyatro sa Mariupol kun sa diin masobra 1,200 ka mga persona lakip na ang mga kabtaaan ang nagatinir.
Nagapadayon pa ang pagrescue sang mga otoridad sa mga survivors kadungan sang pagkaguba sang tiyatro.
Wala pa sa karun nahibaluan ang kadamuon sang casualties bangud nagapadayon ang shelling sang Russian forces sa lugar, nga nagapahinay sang recovery efforts.
![](https://img.bomboradyo.com/bacolod/2022/03/MARIUPOL-BOMBING-2.jpg)
Samtang nagasulod sa ikaapat nga semana sang gyera, wala untat ang pagpang-atake sang Russia sang mga artillery kag missiles sa ciudad nga naguba sa mga apartments kag tindahan.
Nagapati si Russian President Volodymyr Zelensky nga ginhungod sang Russian aircraft nga maghulog sang dako nga bomba.
Suno diri, nagakasakit gid ang iya tagipusuon sa ginahimo sang Russia sa ila mga pumuluyo sa Mariupol.
Sang Miyerkules, gintawagan ni Russian President Vladimir Putin ang pro-Western Russians nga mga traidor.
Santo sa data sang Pentagon, sa sulod sa tatlo ka semana, kapin 7,000 ka mga Russian nga suldado ang napatay, kag mas madamo sa numero sang mga American troops nga napatay sa Iraq kag Afghanistan.