Nagpadulong sang Biyernes ang alkalde sang Bacolod City sa Lopez Jaena Street dala ang propsosal sini nga magapatindog sang three-storey building para sa mga residente sang Barangay 27.
Madumduman nga ginhatag sa mga vendors sang furnitures ang isa ka lane sang dalan agud plastaran sang ila nga mga baligya.
Sila man ginapadulongan naman sang Bacolod Traffic Authority Office (BTAO) kag City Legal Office, agud matsekyar nga wala sila nagalapaw sa isa ka lane nga gintalana para sa ila, agud nga indi ma-apektuhan ang traffic.
Sa interview sang Bombo Radyo sa manugbaligya sang furniture nga si Tatay Rogellio, Biyernes sang nagpadulong si Bacolod City Mayor Alfredo “Albee” Benitez dala ang proposal sini nga magpatindog sang three-storey building para sa mga pumuluyo sang Barangay 27.
Naintindihan man ni Tatay Rogellio nga apektado ang mga estudyante, mga nagabyahe kag ila palangabuhian, sa trapiko nga tuga sang pagkay-o sang duha ka lane.
Suno diri, mahinay ang lakat sang ila negosyo ilabi na nga wala na sang nagapundo nga mga manugbakal.
Gani nagapanawagan ini sa gobyerno nga padalion ang pagtrabaho sang dalan agud nga sila ang maka-negosyo man sang maayo.
