Makabig ga best birthday gift para kay Aira Villegas ang pag-advance sini sa quarterfinals sang 2024 Paris Olympics matapos malutos si Roumaysa Boualam sang Algeria via unanimous decision sa women’s 50kg division sa round of 16 kaina pasado alas 2:00 sang kaagahon.
Si Villegas, nga nagsaulog sang ika-29 sini nga kaadlawan sang Agosto 1, ang nakuha ang pabor sang mga judges sa first round apang sa second round, nagbawi ang Algerian boxer.
Wala naman nagpaulihi ang boksidor nagikan sa Tacloban City kag nakuha ang kadalag-an.
Sa interview sang Bombo Radyo kay Reynaldo Galido, head coach sang Philippine Women Boxing Team sa Paris Olympics, nahimo ni Aira ang tanan nila nga gintun-an sa hampang.
Bilang pagsaulog sa iya kaadlawan, sila ang naghatag lamang sang cake sa 29-anyos nga player kag pagkatapos sang Olympics na lamang magaselebrar.
Mangin kasumpong sini sa quarterfinals ang hometown bet nga si Wassila Lkhadiri sa Domingo, alas 3:20 sang kaagahon.
Suno kay Galido, maayo sa karun ang kondisyon ni Aira kag panugyan sini nga ipabilin lamang ang iya mga stratehiya kag dugangan sang dugang nga kombinasyon.
