Ire-evaluate sang Tourism Infrastructure and Enterprise Zone Authority (TIEZA) ang illuminated spheres nga kabahin sang re-development sa Bacolod Public Plaza.
Suno kay Bacolod City Mayor Greg Gasataya, wala pa natapos ang proyekto kag madamo pa sang kinahanglan nga pagakay-uhon ang Tieza sa plaza.
Sa pihak sini, ginpaathag sang Alkalde nga indi pwede maghulat lang ang ciudad sa Tieza ukon sa kontraktor nga amo ang manglimpyo.
Gani, ginpahayag ni Mayor Greg nga padayon ang pagpanglimpyo kag pagpinta sang ciudad sa palibot sang plaza.
Ginapangayuan man ni Mayor Greg sang evaluation ang Tieza kun nacomply sini ang program of works kaangay sang illuminated spheres nga suno sa Akalde madamo sang mga pumuluyo ang wala nanamian.
Ginahulat nalang niya ang evaluation kag assessment report ang TIEZA nga amo man ang ila ibunggo sa City Engineers kag mga reklamo sang Bacolodnon sa ila nakita nga problema sa Plaza.
Sa pihak sini, ginalauman sang Alkalde nga mas magdamo pa gid ang mga festival goers sa subong nga highlights sang Masskara Festval 2026.
