Tiil sang fetus, nautod matapos ginbutong sang nagabusong nga iloy nga nahulugan sa Brgy Alijis, Bacolod City

(WARNING: SENSITIVE CONTENT) Nautod ang tiil sang fetus matapos nga ginbutong sang iya nga iloy sang naggwa ini sa iya kinatawo kasunod sang miscarriage sa Purok Pag-asa, Barangay Alijis, Bacolod City subong nga Sabado sang aga.

Nagapamuhin ang 22-anyos nga iloy sang iya natalupangdan nga nagalabaw ang tiil sang iya nga bata sa iya nga kinatawo.

Kahapon, nagsakit ang tiyan sang iloy apang wala ini nagpakonsulta tubtub nga nahulugan ini kaina sang aga.

Bangud nabilin pa sa taguangkan ang lawas sang lapsag, gindala ang iloy sa ospital.