Nautod ang tiil sang fetus matapos nga ginbutong sang iya nga iloy sang naggwa ini sa iya kinatawo kasunod sang miscarriage sa Purok Pag-asa, Barangay Alijis, Bacolod City kaina sang aga.
Ang iloy ang ginkilala lamang nga si Alyas Francis, 22 anyos, kasado kag ang ginabusong ang iya kuntani nga subang nga bata.
Sa interview sang Bombo Radyo Bacolod kay Alyas Rodelyn, iloy ni Francis, ang iya bata ang apat ka bulan na nga nagabusong kag sang Mayo ini ulihi nga nakapaprenatal.
Subong nga bulan kuntani ang schedule sang sunod sini nga prenatal agud mahibaluan ang gender sang lapsag, apang ini ang ila gindelatar bangod sa wala pa sang kwarta.
Wala man nakareklamo sa iya tinalikdan nga mga inadlaw ang iya bata nga siya ang may ginabatyag kag suno sa ila mga kaingod tuman pa kadamo kahapon ang iya ginlabhan.
Alas-6:00 kaina sang aga, hinali nga nagsakit ang iya nga tiyan kag halos daw indi sini mahangpan ang iya ginabatyag gani naglisensya ini sa iloy nga siya ang magapamus-on.
Apang imbes nga higko ang maggwa, hinali nga nag-ulhot ang gina-alegar tiil sang lapsag gikan sa iya kinatawo.
Nagpangayo ini sang tabang sa iloy, kag gin-abisuhan man niya nga pabay-an lamang bangod maggwa lamang ini sa tayuyon nga pagbun-a.
Ini bangod may nahulugan naman sa ila lugar nga masulhay man nga nakagwa ang fetus.
Ginalantaw ni Rodelyn nga nagpanic si Francis kag ginpilit nga makagwa ang fetus paagi sa pagbutong sang tiil.
Pagtsekyar sini sa iya bata, na-utod na ang tiil sang fetus tubtob sa hita.
Bangud nabilin pa sa taguangkan ang lawas sang lapsag, gilayon nga gindala ang iloy sa ospital agud ini ang indi mapoison.
