Mangin ang provincial health officer sang Negros Occidental ang nagapati nga tion na gid man agud idumili ang paggamit sang vape ukon electronic cigarettes.
Martes sang gab-i, ginmanduan ni Presidente Rodrigo Duterte ang mga law enforcers nga arestuhonn ang sin-o man nga nagagamit sang vape sa publiko kag gin-ban naman ang paggamit kag importasyon sang electronic cigarettes.
Ini ang kasunod sang report sang Department of Health nga may isa ka teenager sa Visayas nga nakaangkon sang lung injury bangud sa paggamit sang vape.
Suno kay Presidente Duterte, toxic ang vape kag may gahom ang Pilipinas agud nga maghimo sang mga tikang agud maproteksyunan ang ikaayong-lawas kag public interest.
Sa interview sang Bombon Radyo kay Provincial Health Officer Dr. Ernell Tumimbang, bisyo gihapon ang paggamit sang vape kag indi solusyon agud makabiya sa pagpanigarilyo ang isa ka indibidwal.
Samtang nagadugay ang paggamit sang vape suno kay Tumimbang, ini ang nangin addictive kag makahalit sa baga.
Bangud sini, nagakaangay lamang ang mandu ni Presidente Duterte suno kay Tumimbang.
