Tubtob sa karun wala gihapon naga-ako ang tiyo sang napatay nga 3rd year student nga babayi sa banwa sang Moises Padilla, nga sila ang naaksidente kag wala sang iban nga nanghalit.
Madumduman nga una ginpahayag sang tiyo nga si Joear Bajar nga samtang nagadulog ang motorsiklo kag siya ang nagapangihi, hinali naglabay ang blue nga KLX nga motorsiklo kag ginsipa sang driver ang motosiklo nga ginapungkuan sang biktima.
Suno diri, nalampos ang biktima nga si Deserie Tadena, 21 anyos, 3rd Year BS Elementary Education student sa Central Philippine State University kag gindusdos sang nagwild nga motorsiklo.
Sa interview sang Bombo Radyo Bacolod kay Police Cpl Chrysler John Hernaez, traffic investigator sang Moises Padilla Municipal Police Station, indi consistent ang mga ginabuy-an nga pahayag ni Bajar.
Sa ila nga follow up investigation kag statement sang witness, nagagwa nga naaksidente lamang ang motorsiklo nga ginadrive sini.
Madumduman nga si Tadena ang nag-angkon sang internal head injury samtang ang tiyo ang may mga gasgas naman sa lawas.
Tubtob sa karun, indi pa matumod sang Moises Padilla Municipal Police Station kun ngaa ginatago sang tiyo ang matuod nga natabo.
Nahibaluan nga naka-inom sang makahulubog nga ilimnon ang tiyo sang magsugat sa iya hinablos.
