Handa ang lokal nga panguluhan sang Toboso nga sabton ang pag-balsamar, lungon, kag paglubong sang napulo ka bangkay kun wala gid sang may mag-claim nga mga pamilya.
Sa interview sang Bombo Radyo Bacolod Toboso Mayor Richard Jaojoco, gindala ang 19 tanan ka mga bangkay sa ciudad sang Escalante agud didto embalsamahon apang indi masarangan sang punerarya ang kadamuon sang bangkay gani gindala ang napulo kabilog pabalik sa Toboso agud didto ipatigayunon ang pag-embalsamo.
Suno kay Mayor Jaojoco, sabton sang LGU sang Toboso ang tanan nga balayran sa embalming, lungon, kag pagpalubong sa napulo ka bangkay, ilabi na kun wala sang himata nga mag-claim.
Suno diri, duha na ka pamilya ang nag-claim sang duha ka bangkay.
Sa subong, duha pa lamang ang ginkumpirmar nga residente sang Toboso lakip diri si Roger Fabillar ukon Arnel Tapang.
