Sa tunga sang mga spekulasyon nga may problema sa tunga sang pag-updanay sang mag-asawa, nagtrending sa mga netizens ang komento ni Tom Rodriguez nga “I love you” sa post ni Carla Abellana.
Sang Biyernes, nagpost si Carla sa Instagram sang iya litrato nga daw kaangay nga nagikan sa pictorial.
Ini ang nakaagum sang mga heart reactions nagikan sa iya mga followers kag masobra 500 comments lakip na ang bana sini nga si Tom.
Sa comment section, ginpabutyag ni Tom nga palangga sini ang asawa kag may tatlo ka heart emoji.
Ginkalipay naman sang iya mga supporters ang ginpahayag ni Tom kag nagpabilin sang positibo nga mga komento.
Sang tinalikdan nga Enero, nagsugod ang mga spekulasyon nga posible may problema sa pag-updanay sang mag-asawa sang napyaran sang mga followers nga gin-unfollow ni Tom sa IG si Carla.
Sang tinalikdan lamang, liwat nga ginfollow sang mga ini ang isa kag isa apang may pila ka mga nakanotisyar nga indi sini suksok ang iya wedding ring.
Ginkasal ang duha sang nagligad nga Oktubre matapos ang pila ka tuig nga relasyon.
