Gincite in contempt kagab-i sang House Quad Committee si Tony Yang, utod ni former presidential economic adviser Michael Yang.
Ginmove ni Laguna Rep. Dan Fernandez nga macite in contempt si Yang kag ini ang gin-aprubahan man sang komitiba nga wala sang objection.
Gin-aprubahan man ang motion ni Manila Rep. Bienvenido Abante nga si Yang ang madetain sa Quezon City Jail.
Suno sa mamalidha, madamo na sang kabutigan sila nga nabatian kag kun indi pa ini maghambal sang matuod, siya ang igacite in contempt na.
Ang request sang Presidential Anti-Organized Crime Commission nga si Yang ang igadetain sa PAOCC Temporary Detention Facility ang gingrant suno sa tagpamaba sang komisyon nga si Winston Casio.
Antes ang motion, ginpamangkot ni Fernandez si Yang kun kilala sini ang Chinese businessman nga si Allan Lim, nga ginalantaw nga partner sini sa rice milling business sa Cagayan de Oro.
Apang makapila ka beses ini nga ginpanginwala ni Yang.
