Arestado ang Top 1 nga Most Wanted Person may kaangtanan sa iligal nga droga sa Sitio Tuburan, Brgy. Buluangan, San Carlos City, Negros Occidental, matapos nga ini ang ginserbihan sang warrant of arrest kahapon sang aga.
Ang suspetsado ang ginkilala nga si Ristituto Descatiar Jr, 29 anyos, single kag residente sa nasambit nga lugar.
Si Descatiar ang may kaso sa pagbayolar sang Section 7 kag Section 5, Article II sang Republic Act 9165 ukon Comprehensive Dangerous Drugs Act of 2002.
Ang duha ka sentensya ang parehas nga gin-issue ni Hon. Arville Guyod Delgado, Acting Presiding Judge sa Regional Trial Court (RTC) Branch 57 San Carlos City, Negros Occidental kag napetsahan Hulyo 6, 2022.
Ang akusado ang nakahunong na sa kustodiya sang San Carlos City Police Station agud atubangon ang kaso.
