Dakop ang isa ka 33 anyos nga lalaki sa drug buybust operation nga ginpatigayon sa Purok Alusiman, Barangay Zone 12-A, Talisay City, Negros Occidental takna alas-8:41 kagab-i.
Suno kay P/Lt Marion Vicente Buenaflor, deputy chief sa Talisay City Police Station, ang suspetsado ang ginkilala kay Dairyl Akol alyas Rigor, 33 anyos, wala sang trabaho kag residente sa Hacienda Minuluan, Barangay Matab-ang, Talisay City.
Narecover sa possession sang suspetsado ang lima tanan ka sachet sang suspected shabu kalakip na ang buybust item.
Ang suspected shabu ang ginabanta nagabug-at sang duha ka gramos kag may estimated market value nga P13,600.
![](https://img.bomboradyo.com/bacolod/2022/06/POLICE-REPORT.jpg)
Nakuha man gikan kay Akol ang P370 nga cash proceeds kasubong man ang gamay nga plastic container nga ginsudlan sini sang suspected shabu.
Ang suspetsado ang ginakunsiderar nga Top 4 Drug Personality sa estasyon kag ginakabig nga street level individual kun sa diin padayun pa sa karun nga gina-imbestigahan kun ini ang may daan na nga kaso may kaangtanan sa iligal nga droga.
Ang suspetsado ang nakahunong na sa Talisay City Police Station kag natalana nga magpangatubang sang kaso may kaangtanan sa paglapas sa Republic Act 9165 ukon Comprehensive Dangerour Drugs Act of 2002.