Patay ang Top 6 most wanted person sang Police Regional Office (PRO) 6 matapos nagbato sa mga kapulisan sang ini ang ginserbihan sang Warrant of Arrest sa Brgy. Tambunak, banwa sang Dingle sa probinsya sang Iloilo, las-5:30 kaina sang aga.
Sa impormasyon nga nakuha sang Bombo Radyo Bacolod, naluthangan sang kapulisan ang suspetsado nga ginkilala kay Ramy Enojo, matapos ini nagbato sang ginserbihan sang Warrant of arrest sa kaso nga murder sa joint operation nga ginpatigayon sang PRO 6 Special Operation Group kg Dingle Municipal Police Station.
Dugang pa diri, si Enojo ang suspetsado sa pagpatay kay anay Mayor Luis Mondia Jr. sang banwa sang Pulupandan sa probinsya sang Negros Occidental.
Kag ginakabig man ini nga katapo sang Magno Matillano Gun for Hire Group.
Narekober sa paghinakop sang suspek ang isa ka hand grenade, isa ka 38 kalibre nga armas luthang kag isa ka 12 gauge shot gun.
Date of airing: April 24, 2019
