Opisyal na nga nagtakop ang Top Level Management Conference 2025, nagmarka sang padayon nga dominance kag achievement para sa Bombo Radyo Philippines.
Gintipon sa nasambit nga conference ang mga senior officers, area managers,kag station managers, nga ginpangunahan sang Chairman nga si Dr. Rogelio M. Florete kag President and Chief Executive Officer Ms. Margaret Ruth C. Florete.
Ini ang may tema nga “LEADER OF UNMATCHED INNOVATION IN RADIO REVOLUTION,” kun sa diin ginhighlight sa kahiwatan ang commitment sang network nga maghatag sang superior programming, content kag sang exceptional brand sang public service.
Ang weeklong brainstorming sessions ang naghatag sang platform para sa mga lideres sang Bombo Radyo agud nga diskusyunan ang stratehiya kag innovations nga mas makapansanyog pa sang programming sang network kag operational excellence.
Ang insights kag mga natun-an gikan sa pagtililipon ang may katuyoan nga hatagan pa gid sang gahom ang mga opisyales sang network agud nga mabuhat ang mission sang Bombo Radyo nga maghatag sang masaligan nga balita kag insakto nga impormasyon sa mga Filipino worldwide.
Ang pagtililipon ang pagselebrar man sang reaffimed dominance sang network bilang nagapanguna kag most trusted radio network sa Pilipinas kag ang ebidensya amo ang tatlo ka independent surveys nga amo ang Tugon ng Masa (TNM) Fourth Quarter Survey by OCTA Research nga ginpatigayon sang November 10 tubtob 16, 2024, kun sa diin ginsurvey nationwide ang 1200 respondents kag nakita nga ang Bombo Radyo ang preferred source sang balita kag impormasyon sang mga adult Filipinos.
Ginkilala man ang Bombo Radyo sang Pahayag End-of-the-Year Survey sang Publicus Asia, Inc. bilang most trusted radio network, nga consistent nga nakakuha sang pinakamataas nga trust ratings sa radio category.
Ginpakita man sa data sang Philippine Information Agency’s National Survey on Media and Information Literacy of Filipino Youth, nga sa radio category, ang Bombo Radyo ang most trusted News and Information Source.
Ang Top Level Management Conference 2025, nga ginpatigayon sa Iloilo City humalin sang January 5 tubtob 11, 2025, ang gingastuhan sang Bombo Radyo Philippines.
Ginsiguro sang Bombo Radyo nga wala sang political sponsorships ukon affiliations ang ginsolicit agud nga gamiton sa paggasto sa kahiwatan kalakip na ang pagkaon kag logistics.
Ang dedikasyon sang Bombo Radyo Philippines sa journalistic integrity, innovation,kag community engagement ang supportado sang 32 fully digitalized AM and FM stations nga nahamtang sa Luzon, Visayas, kag Mindanao.
Paagi sa gin-upod nga kaalam sang liderato kag sa hands-on expertise sang iya nga frontliners, Bombo Radyo Philippines ang nagapabilin nga Number One and Most Trusted Radio Network in the country. Basta Radyo… BOMBO!.
