Nangin standard practice na sang Bombo Radyo Philippines ang pagsugod sang panibag-ong tuig pinaagi sa pagtililipon sang men & women sang Bombo Radyo gikan sa nagkalain-lain nga parte sang Pilipinas sa ginahiwat nga Top Level Management Conference agud diri taksun ang performance sang tagsa ka station kon bala na-meet ang standard excellence sang Network.
Ang tema sang karon nga tuig nga Top Level Management Conference klaro nga naga-illustrate sang: ‘LEADER OF UNMATCHED INNOVATION IN RADIO REVOLUTION.
Sa tunga sang paglapnag sang fake news, ang pagdamo sang mga makabig “evil forces” nga nagapanggas sang indi amo kag sala nga informasyon, ang Bombo Radyo Philippines nagapabilin nga wala nagabag-o bilang “THE NUMBER ONE AND MOST TRUSTED RADIO NATWORK IN THE COUNTRY, ang institusyon nga masaligan sa paghatag sang entsakto kag matuod-tuod nga mga balita kag informasyon.
Ang mga nabaton nga pagkilala kag pasidungog sang Bombo Radyo Philippines wala ini nag-alalabot sa mahapus nga pamaagi, sa baylo ginhimakasan ini, adlaw kag gab-i sang mga nagapamuno kag sang tanan nga men & women sang Bombo Radyo Philippines agud lamang mapasiguro nga ang standard for excellence mapabilin kag kon ano ang mapaguwa, mapabati kag mapakita sa kahanginan ang lunsay ginpreparahan sang maayo kag nagasunod sa nangin prinsipyo sang ancient Greek kag philosopher nga si Aristole (Aristotelian tenet) nga nagasiling sa Ingles nga pulong, “Excellence is never an accident; it is the result of high intention, since effort and intelligent execution; choice, not chance, determines your destiny.”
Ang Bombo Radyo Philippines wala nagakahuya sa paghambal kag sa pagkabig nga nagapanguna ini ukon Numero Uno kon radio technology ang pagahambalan.
Padayon sini nga ginabag-o ang kaugalingon pinaagi sa pag-acquire sang mga latest systems kag logistics agud maka-engage sa audience.
Sa karon, Ang Radyo padayon nga ginasiguro ang dako kag major impact nga madulot sa kabuhi sang mga tawo pinaagi pag-usar sang teknolohiya agud nga makahatag on time, meaningful kag up-to-date nga mga balita, informasyon kag kalingawan, kag ang Bombo Radyo Philippines nagapanguna diri kag ginakilala bilang trailblazer ukon pioneer.
Ang tanan nga mga avid followers sang Bombo Radyo Philippines ginapasalig nga ang Network makaproduce kag makadeliver sang best content nga ma-offer sini.
Ang Top Level Management Conference may mga in-house speakers kag subong man mga invited experts sa ila ‘field of endeavors’ agud nga ang best practices ma-apply sa tanan nga areas sang operasyon sang Network.
Kag, wala labot sini, ang tuigan nga pagtililipon nagaserbe bilang venue sa pagdihon sang mga programa, offerings kag subong man mga proyekto nga may impact sa kabuhi sang mga followers sini.
Sa pagtipon kag paghugpong sang kaalam kag pagkasampaton sang nagapamuno sang Network upod ang gintingob kag nasupot nga mga eksperyensiya sang mga frontliners sa wala-untat kag adlaw-adlaw nga pagtrabaho sa pagpadalagan sang mga estasyon, wala sang duda nga ang Bombo Radyo Philippines magapadayon bilang THE NUMBER ONE AND MOST TRUSTED RADIO NETWORK IN THE COUNTRY! BASTA RADYO. . . BOMBO!!!
