Liwat nga nagpanguna sa Electronics Technician Licensure Examination ang topnotcher man sadto sa Electronics Engineers Licensure Examination.
Sa interview sang Bombo Radyo Bacolod kay Engr. Niele Shem Bañas, siya ang nagtop 1 sa 2024 Electronics Engineers Licensure Examination sang Abril kag subong nga Electronics Technician Licensure Exam liwat sini nga nakuha ang top 1.
Suno sa tumandok sang La Carlota City, ginplano sini nga matapos ang tanan nga journey sa Electronics field kag sa karun nagplano naman nga magtuon sa Electrical.
Suno sa graduate sang Technological University of the Philippines – Visayas, duha lamang ka semana ang preprasyon sini sa pagkuha sang licensure examination bangod nga busy ini sa iya nga trabaho.
Sa mahibaluan, ang amay ni Bañas ang isa man ka electronics engineer samtang ang iloy naman sini ang isa ka manunudlo.
