Nagpasaka sang reklamo ang Department of Agriculture (DA) batok sa trading firm nga Chastity Consumer Goods Trading bangud sa ginapahayag nga misdeclaration sang imported fresh yellow onions bilang processed food para makalusot sa mga regulasyon sa pag-import.
Suno sa DA, ginpasaka sini sa Olongapo City Prosecutor’s Office ang reklamo nga paglapas sa Food Safety Act kag Plant Quarantine Law of 1978 batok sa nasambit nga kompaniya.
Ginpangalanan sang ahensya si Lina Bang Talan, ang tag-iya kag presidente sang Chastity Consumer Goods Trading, bilang respondent sa kaso.
Nag-ugat ang kaso sa ginkasa nga inspeksyon sa Port of Subic, kun sa diin natukiban ang linibo nga kahon sang mga yellow nga sibuyas nga misdeclared bilang frozen fish egg balls.
