Mas luyag sang driver sang traditional jeepney nga mapanubo ang presyo sang gatong sangsa pasakaon ang plete.
Ini kasunod sang pahayag sang Land Transportation Franchising and Regulatory Board (LTFRB) nga ila ginatun-an ang pagpasar sang P15 minimum fare hike para sa mga public utility jeepneys (PUJs).
Sa interview sang Bombo Radyo Bacolod sa driver nga wala na naghatag sang pangalan, duha ka semana na ang pagsaka sa presyo sang gatong nga masobra piso
Sa baylo, kun may ipatuman nga fuel price rollback, ini ang senintimos lamang.
Aminado ang driver nga dako ang ginbuhin sang iya nga income bangod sadto, ang magastos sini sa krudo ang yara lamang sa P700, apang sa karun nagadangat na sa P1,200.
Suno diri, siya ang makapauli man sang P400 tubtob P500 kada adlaw, nga makuha lamang kun magbaka-baka sa byahe tubtob alas-7:00 sang gab-i.
Sadto, sila ang makapauli pa sang income nga P600 tubtob P700.
Paathag sini nga nagadugang sa pagdako sang kaon sang gatong ang traffic sa ciudad sang Bacolod.
Suno diri, madugangan ang ila mapauli nga income sa pamilya kun magnubo ang presyo sang gatong.
Aminado ini nga makabulig-bulig man ang duha ka piso nga pagpasaka sa pletihan inkaso nga ipatuman.
