Traffic enforcer dakop sa drug buybust operation sa Brgy. 9, Kabankalan City, Negros Occidental

Dakop ang 46 anyos nga traffic enforcer sa drug buybust operation nga ginpatigayon sa Barile St., Brgy. 9, Kabankalan City, Negros Occidental, sang Biyernes, alas- 6:40 sang gab-i.

Nadakpan ang subject person sa operation nga si Christopher Ortaliz, 25 anyos kag nalakip man sa nadakpan ang 22 anyos nga si Ricardo Maigue, kag traffic enforcer nga si Hiro Diaz.

Sa interview sang Bombo Radyo kay PLt Col Roberto Indiape, hepe sang Kabankalan City Police Station, madugay na nga ginamonitor ang mga suspek nga natigayon nga nadakpan.

Nakuha ang kapin sa 20 ka gramos nga suspected shabu nga may standard drug price nga P136,000 kag isa ka unit sang cal. 38 revolver nga may anum ka live ammunition.