Gintiro ang isa ka traffic enforcer sang wala pa makilal-an nga suspetsado sa Sitio Wayang, Barangay 3, Himamaylan City, Negros Occidental sang Biyernes sang gab-i, Septyembre 12, 2025.
Ginkilala ang biktima kay Alyas Novo, lalaki, kasado kag residente sang Sitio Wayang, Brgy 3, Himamaylan City.
Sa interview sang Bombo Radyo Bacolod kay Police Lt Col. Anthony Grande, hepe sang Himamaylan City Police Station, nagahigda si alyas Novo sa folding bed sa extension sang ila puluy-an sang may nabatian ini nga paglagtik kag sang pagbalikid sini didto nahibaluan nga siya ang ginatiro na.
Nakaangkon sang igo ang biktima sa tuo nga bahin sang iya dulunggan, wala nga abaga kag natuo nga bahin sang iya liog.
Gilayon naman nga gindala sa ospital sa nasambit nga ciudad ang pilason nga biktima apang ginrefer ini sa Bacolod City.
Sa karon, nagapadayon ang imbestigasyon sang mga otoridad sa nagluntad nga insidente.
