Iga-deputized ang traffic enforcers sa pagpanakop sang mga overloaded nga mga jeepney sa Bacolod City.
Sa interview sang Bombo Radyo kay Bacolod Traffic and Transportation Management Department (BTTMD) Officer in Charge Atty Reuben Sabig, naka-istoryahanay na sila upod kay Land Transportation Office – Negros Island Region Director Jeck Conlu kag ni Police Major Elmer Bonilla, head sang Traffic Enforcement Unit sang Bacolod City Police Office angot sa solusyon sa problema sang overloaded nga mga jeepney.
Madumduman nga gindagdagan sang LTO-NIR sang show cause order ang operator, driver kag konduktor sang modernized jeepney nga ginreklamo bangod sa nagasulobra nga pasahero.
Suno kay Atty Sabig, ginahulat nalang ang Memorandum of Agreement (MOA) agud nga sila ang ma-implementar na sang pagpanakop.
Nagakinhanglan sila sang dugang nga 20 ka traffic enforcers agud nga mas matutukan ang sitwasyon sa dalanon.
Suno diri, indi matutukan sa karun sang departemento ang tanan nga nagalapas sa dalanon bangud kulang pa sila sang enforcers, kag ang iban sa ila ang may ara man sang lain-lain nga assignment.
