Natalana nga pagamiton sang body worn cameras ang mga traffic enforcers sa ciudad sang Bacolod.
Sa interview sang Bombo Radyo Bacolod kay Bacolod Traffic Authority Office (BTAO) head Patrick Leonard Lacson, ini ang nakaligad pa nga tuig kuntani apang nadelay lamang ang pagpatuman.
Ini bangod nakaangkon sang problema sa supplier sang SD Card, kag ini ang ila na nga ginapahingagaw.
Paathag ni Lacson nga yara na ang 250 ka ginbakal nga body worn cameras kag kanugon kun indi gilayon magamit.
Suno kay Lacson, ang body worn cameras ang ipagamit sa mga traffic enforcers kag kun ini ang sobra, ini ang ipahigad anay bilang extra.
Paathag sini nga kun may body worn cameras, hinali nga may kinagamo sa tunga sang enforcers kag ginadakop indi na ini mabudlayan pa nga magtumod kun sin-o gid ang may sala, bangod sa masami, indi sini mapaktan kun sin-o ang patihan bangod sa lainlain nga version.
Ini ang makapamatuod man kun may mga alegasyon sang illegal transaction sa mga enforcers.
Pasalig ni Lacson nga siya ang magapagwa sang memorandum nga indi pwede nga patyon ang body camera samtang on-duty, bangod ang pagpatay sini ang makabig nga sign of guilt.
