Nakabalik na ang byahe sa train stations sa Japan matapos temporaryo nga ginsuspender kasunod sa nagluntad nga magnitude 6.9 nga linog sa Japan.
Sa interview sang Bombo Radyo Bacolod kay Bombo International News Correspondent Josel Palma direkta sa Japan, santo sa record sang Japan Meteorological Agency, magnitude 6.9 nga linog ang nag-igo sa northern coast sang pungsod alas-7:30 kahapon sang aga apang santo sa U.S. Geological Survey 7.2 ang linog nga nagluntad.
Suno diri, ang linog may yara sang kadalumon nga kapin 50 kilometros apang wala sang may ginpagwa nga tsunami warning.
Sa karun may gintukod nga emergency task force si Prime Minister Sanae Takaichi kag nagpanugyan ini sa mga residente nga maghalong bangod may posibilidad nga magluntad sa liwat ang linog sa kaangay man nga lugar.
Ginpaandaman man ang mga residente nga nagapuyo sa Japan trench nga mangin alerto sa ginapaabot nga pagtay-og sang duta sa sulod sang isa ka semana.
Pahayag ni Palma, temporaryo nga ginsuspend ang pag-operate sang train stations apang napabalik na ang bayhe matapos ang ginpatigayon nga inspection samtang nabalik naman ang kuryente sa linibo ka mga panimalay nga apektado sang power outage.
