Importante nga mahibaluan sang mga elected Barangay Officials kag Sangguniang Kabataan ang ila nga mga responsibilidad antes ang mga ini magpungko sa tagsa nila ka mga opisina.
Sa interview sang Bombo Radyo Bacolod kay Ma. Joy Marideth Madayag, city director sang Department of the Interior and Local Government Bacolod, ginapadasig sang mga ini ang mga training sa mga elected nga Sangguniang Kabataan officials agud nga matapos na antes pa man ang mass oathtaking kag pag-assume sang mga ini sa opisina.
Suno kay Madayag kinahanglan sang nasambit nga elected official mahibaluan kun ano ang mga duties and responsibilities sang mga ini.
Dapat man itatak sa mga bag-o nga magapungko nga opisyales sang barangay nga sila ang may dako nga responsibilidad kaangay lamang sang anti-illegal drug campaign sang gobyerno kag paghimo sang barangay development plan.
Magluwas sa Sangguniang Kabataan, kinahanglan man nga magpaidalom sa training ang mga elected Barangay officials apang sa karun ginahulat nalang sang DILG ang training manual nga ihatag sang Local Government Academy.
Suno sa DILG official, dapat ang mga opisyales ang mahatagan sang nagakaigo nga ihibalo agud nga mahibaluan sang mga ini kun ano kadako kag ka importante ang ila nga responsibilidad sa komunidad sa mga Barangay.
Samtang ang mga elected official sang barangay ang mahimo nga iappoint sa opisina ang Local Government Unit kag ang rule of succession ang magatake effect samtang ang bakante ang pangitaan sang mabulos.
