Natapos ang transition team meeting antes ang alas-12:00 kaina sang udto, sa tunga sang team ni former Mayor Evelio ‘Bing’ Leonardia kag Mayor Alfredo ‘Albee’ Benitez.
Suno sa Department of the Interior and Local Government, nangin smooth ang transition kaina sang udto.
Matawhay pa ang Bacolod City Government Center kag halos wala pa sang unod ang Office of the City Mayor.
Suno sa DILG, nacomply ang tanan nga ginacomplay sang memorandum circular sang ahensya angot sa transition, apang wala nasumiter ang listahan sang mga pangalan sang mga job order casuals.
Suno sa Accounting Office, isa lang ang kopya sang listahan kag yara ini sa Commission on Audit.
Sa kinaandan, tatlo kuntani ang kopya sang listahan sang mga Jos.
Ginapaaccount man ang tanan nga propiedad sang city government.
Isa man lang ka yabi sang City Mayor’s Office kag main door ang naturnover sa bag-o nga administrasyon kag ginapangita pa ang duha.
Suno kay Bacolod City Lone District Congressman Greg Gasataya nga amo ang pinuno sang transition committee sang Benitez administration, kaina lang nasubmit ang mga dokyumento nga ginsumiter sang former administration.
Sa karon, indi pa matumod kun wala sang problema sa mga dokyumento ukon may pondo pa nga nabilin sang former administration.
Ang inaugural ni Benitez ang patigayunon bwas sa hapon bangud nagtambong ini kaina sa inaugural ni President Ferdinand ‘Bongbong’ Marcos Jr.
