Transition sang mga elected officials sa Hunyo 30, ginahandaan na sang DILG-Bacolod

Amat-amat na nga ginahanda sang Department of the Interior and Local Government (DILG)- Bacolod ang transition sang elected officials sa ciudad sang Bacolod sa natapos lang nga midterm elections.

Suno kay DILG-Bacolod Director Christian Nagaynay, may transition team nga gintukod agud indi na mabudlayan ang outgoing kag coming official’s para sa pagpungko sa ila pwesto sa maabot nga Hunyo 30, alas-12:01 sang hapon.

May ginpagwa na ang DILG kag City Mayors Office nga Executive Order no.9 agud magtukod sang transition team nga ginabug-usan sang mga department heads.

Samtang, nadesisyonan nga isulod na lang sa Kalinisan program sa kada barangay ang pagpatigayon sang Oplan Baklas sa pagkakas sa mga campaign posters.