Lauman ang pagnubo sang Power transmission charges sini nga bulan kasunod sa pagnubo sa tanan nga billing components suno sa National Grid Corp. of the Philippines.
Suno kay NGCP regulatory management head Julius Ryan Datingaling, ang overall rate sang Setyembre nagnubo kag ini mabatyagan sa power bills sang consumers sini nga Oktubre.
Suno diri, ang transmission wheeling rates nagnubo sa 0.84 percent tubtob P0.592 per kWh samtang ang average ancillary service rates naman nagnubo sa 1.7 percent tubtob P0.6546 per kWh.
Gin-athag sang NGCP nga wala sila sang may ginakuha nga income halin sa ancillary service bangod ang charges derekta nga naremit sa generation companies.
Samtang, suno naman kay NGCP spokesperson Cynthia Alabanza, ang transmission facilities sa pungsod nahamtang malayo sa active fault lines sa tunga sang nagasaka nga concerns sa “The Big One” kasunod sa pila ka linog nga nagluntad.
Mahibaluan nga santo sa pagtoon nga ginpatigayon sang 2004, ginalantaw nga ang “The Big One” ukon ang magnitude 7.2 nga linog sa Metro Manila mahimo magresulta sa kapin 33,500 nga numero sang mapatay kag 113,600 nga mapilasan.
