Indi pabor ang secretary general sang Sentrong Samahan ng mga Tsuper at Operators Negros (SSTONE) sa Interim Service Permit (ISP) bangud ila ini ginakabig nga panakip butas lamang sa kakulang sang mga nagabyahe nga modernized jeepney sa Bacolod.
Una na nga ginpahayag ni Councilor Al Victor Espino, chairman sang Committee on Transportation nga posible nga ma-extend ang Interem Service Permit para sa mga traditional jeepney operators kun indi macomply sang modernized jeepney operators ang target units nga magabyahe sa ciudad sa bulan sang Marso.
Sa interview sang Bombo Radyo kay Albert Villanueva, nagapasalamat ini nga ginapahanugutan ang traditional jeepneys nga makabyahe apang ang ISP ang kooperatiba man sa gihapon kag ang unit ang private kag issuehan sang special permit.
Suno sa iya, mas luyag nila ang probational authority kag indi ang ISP bangud daw ini ang panabon lamang sa gihapon sa kakulang sang units sang modernized jeepney nga nagabyahe sa ciudad.
Suno diri, sila sa SSTONE ang wala nagaproseso sang Interim Service Permit kundi sa renewal sang probational authority.
Suno kay Villanueva, kun ano ang mangin desisyon sang ciudad, pabay-an na lamang nila kag ang importante, indi lamang madrop ukon privatize ang ila mga public utility jeepneys.
