Nag-apelar ang isa ka transport group sang isa ka temporary increase sa minimum jeepney fare samtang pending pa ang ila petisyon para sa isa ka fare hike sa Land Transportation Franchising and Regulatory Board (LTFRB).
Nagapanawagan ang Alliance of Transport Operators’ & Drivers’ Association of the Philippines (ALTODAP) nga i-implementar ang P1 tubtob P2 nga provisional fare hike tubtob nga magnubo ang presyo sang kada litro sang diesel.
Suno kay ALTODAP president Boy Vargas, kun magnubo na ang presyo sang diesel, automatic nga ibalik nila ang initial minimum fare.
Tatlo ka mga transportation groups ang nagfile sang petisyon sa LTFRB agud mapasakaan ang minimum jeepney fare sa P5 kag dugang nga P2 kada kilometro.
Ang petisyon ang ginfile bangud nagakadulaan na sang palangabuhian ang mga jeepney drivers bangud sa pagsaka sa presyo sang diesel.
