Ginhangkat sang transport group nga Piston ang gobyerno sang Pilipinas nga suspendihon ang VAT kag excise taxes sa gatong agud mabuhinan ang kabug-atan nga gintuga sang nagasaka nga presyo sang gatong.
Wala nagakompormi ang grupo sa ideya nga pagpasaka sang minimum fare para sa public utility jeepneys sa P15.
Sa isa ka statement, ginpahayag sang grupo nga lunsay ang mga commuters kag jeepney drivers ang makabig nga biktima sang wala untat nga pagsaka sang presyo sang gatong.
Suno kay Piston National President Mody Floranda, dapat untaton na sang Marcos goverment ang pagpakontra sa mga jeepney drivers kag commuters paagi sa misguided focus sa fare hikes.
Suno sa Piston, nagakapierde ang mga PUV drivers sang kabug-usan nga P6,400 income bangud sa oil taxes nga para kuntani sa dugang nga fuel prices.
Suno diri, dapat nga atubangon ang “root causes” sang nagasaka nga presyo agud masolbar ang problema.
