Transport Group sa Bacolod, gintawag si Energy Secretary Sharon Garin nga ‘wala sang pulos’ sa DOE, ginapanawagan na nga magresign

Ginpanawagan sang grupo sang unconsolidated traditional jeepney drivers kag operators kay Energy Secretary Sharon Garin nga magpanaog na sa pwesto.

Sa pagtipon sang masobra 400 ka mga jeepney drivers sa idalom sang Bacolod Alliance for Commuters Operators and Drivers (BACOD) – Manibela sa pagpatigayon sang protest caravan, isa sa nakabutang sa ila karatula ang pagkondenar kay Garin.

Sa interview sang Bombo Radyo Bacolod kay BACOD-Manibela President Rudy Catedral, indi sila kumpormi sa pahayag ni Garin nga wala na ini sang mahimo sa pagsaka sang presyo sang gatong.

Panindugan ni Catedral nga kun wala sang mahimo si Garin bilang tiglikom sang Department of Energy, nagakahulugan lamang nga siya ang wala sang pulos sa pwesto.