Lauman pa ang asod-asod nga rally protest sang mga transport groups sa Bacolod pagkatapos sang Disyembre 31, 2023 agud ipanawagan ang extension sang ila provisional authority nga indi na mag-agi sa consolidation process.
Suno kay Rudy Catedral, chairman sang Bacolod Alliance of Commuters, Operators and Drivers (BACOD), nagadepende sa assessment sang Land Transportation Franchising and Regulatory Board (LTFRB) kun 60 porsyento na sang mga units ang nakapaconsolidate sa isa ka routa amu ang paghatag sang extension nga tubtob Enero 31 agud makabyahe apang kun nakalpaw na sa 60 porsyento, tubtob Disyembre 31 na lamang.
Suno kay Catedral, ang ila ginaayo kaupod ang PISTON kag Manibela amu nga ma-extend ang ila provisional authority nga wala na nagaagi sa consolidation process.
Suno diri, lauman ang asod-asod pa nga rally protest nga ila patigayunon pagkatapos sang Disyembre 31 natuhoy sa consolidation process.
Suno sa iya, madamo nga mga drivers kag operators ang ginpili nila nga mag-untat sa pagbyahe sang pila ka adlaw agud magpabutyag sang ila mga sentimento sang sa permanente sila nga mawad-an sila sang palangabuhian.
Suno sa iya, ini ang pinakamasubo nga ginhimo sang LTFRB kag Department of Transportation nga pauntaton sila sa pagbyahe kag wala sang ihatag nga alternative para sa mga ini.
Suno kay Catedral, isa ini ka masubo nga Bag-ong Tuig para sa pamilya sang mgadrivers kag operators sang traditional jeepneys nga wala nakasulod sa consolidation process.
