Ginkalipay sang secretary general sang Sentrong Samahan ng mga Tsuper at Operators Negros (SSTONE) ang ginhatag nga extension sa pagbyahe sang traditional jeepneys, santo sa announcement sang Land Transportation Franchising and Regulatory Board kahapon.
Sa interview sang Bombo Radyo kay Albert Villanueva, iya ginkalipay ang isa ka tuig nga sila may yara sang palangabuhian nga ginatrabaho na sang mga operators ang pag-renew sang mga prangkisa.
Sa karun, nagahulat pa ini kun ano ang kinahanglan nga iproseso sa mga traditional jeepneys nga makasulod sa modernization program sang gobyerno.
Iya man ginaduso nga reviewhon ang programa, para mahibaluan ang hilimuon bangod nga sa siyudad sang Bacolod wala sang proper nga proseso kun ngaa may yara na sang modernized jeep sa siyudad, nga gusto kun tani ni Villanueva nga may konsultasyon nga involve ang tanan para nga wala sang reklamo kag maplastar ini sang husto
Samtang, tubtob sa karun kulang sa modernized unit ang siyudad nga may yara lamang sang 242 ka mga nagabyahe nga modernized jeepney sa 1,099 nga target sang siyudad.
Ginalantaw man sini nga isa ini sa mga solusyon nga ginhatag sang sa mga traditional jeepney operatos kag amo man nga ginahingyo sini ang mga operators nga dalion ang proseso sa pag renew sang prangkisa para nga wala na sang problema sa dalanon sang Bacolo
