Wala sang problema para sa transport group sa ciudad sang Bacolod ang mandatory drug testing sang Department of Transportation (DOTr).
Nagpaggwa si Transportation Secretary Vince Dizon sang mando nga ipaidalum sa mandatory drug testing ang tanan nga public vehicle drivers, kag dapat nga tubtob lang sa anum tubtob apat ka oras ang driving hours kag para sa mga byahe nga masobra apat ka oras dapat may yara sang replacement driver, kag hugot nga inspection sa roadworthiness kag pagpasanyog sang driver training programs.
Sa interview sang Bombo Radyo Bacolod kay Rudy Catedral, presidente sang Bacolod Alliance of Commuters, Operators and Drivers (BACOD), 100 percent sa ila miyembro ang wala naggamit sang illegal nga druga.
Suno diri, mas maayo nga random ang drug testing agud indi makapreparar ang mga drivers.
Apang, suno kay Catedral kun tani libre ang pagpatuman sini bangod ang pilahay sa pagkuha sang drug test ang maka-apekto sa oras sang byahe.
Pahayag sini, wala sila nagapamatok sa programa para sa safety sang drivers, operators kag commuters.
