Failure man para sa transport sector sa ciudad sang Bacolod ang adiministrasyon sang presidente.
Sa interview sang Bombo Radyo kay Rudy Catedral, presidente sang Bacolod Alliance of Commuters, Operators and Drivers (BACOD), iya ginalauman nga malakip sa State of the Nation Address ni president Ferdinand ‘Bongbong’ Marcos Jr ang plano sini sa mga palpak nga PUV modernization program.
Suno diri, maayo kun tani kun butangan sang win-win solution sang presidente ang problema sa programa bangod indi lamang ang drivers kag operators ang apektado diri apang amo man ang mga pumuluyo.
Dugang pa sini, madamo naman sa karun ang nabankrupt nga mga kooperatiba kag korporasyon sang modernization program sa bilog nga Pilipinas.
Sa karun nagalaum ini nga nahatagan sang panindugan sang presidente sang Pilipinas ang plano sini para sa transport sektor bangod sa iya magahalin ang pinal nga desisyon.
