Gin-ako ni Department of Transportation (DOTr) Secretary Vince Dizon nga ang Public Transport Modernization Program (PTMP), ukon ang anay Public Utility Vehicle Modernization Program (PUVMP), ang indi viable sa idalum sang estado sini sa karun.
Si Dizon ang ginpamangkot natuhoy sa PTMP sa meeting sang Commission on Appointments (CA), nga ginakonsiderar nga iya ad interim appoinment.
Suno kay Dizon, sa karun nga state sang modernization kag kun padayunon lamang, ang realidad nga indi makabayad sang utang ang kadam-an sa mga nagbakal sang bag-o nga salakyan ang maathag na nga senyales nga indi ini viable sa karun.
Dugang pa sini nga dapat i-acknowledge nga madamo sang problema ang programa.
Sa bahin sang consolidation rate, ginpahayag ni Dizon nga yara lamang ini sa 40 percent samtang ang route rationalization ang yara lamang sa 20 percent.
