Ginpahayag sang Department of Justice nga magapabilin nga confidential ang anuman nga naistoryahan sa pag-abot sang mag-asawa nga Curlee kag Sarah Discaya sa ahensya kahapon.
Nagpamalibad si Justice Secretary Jesus Crispin Remulla nga idetalye ang natabo sa pag-istorya sang mga Discaya sa iya.
Suno diri, magapabilin nga pribado kag pagasiguruhon sini nga indi makagwa sa publiko ang mga ginpakigbahin nga impormasyon sang mag-asawa nga Discaya nga sila ang nagbisita sa ahensya.
Suno diri, bilang kabahin sang proseso kag nakabutang sa layi natuhoy sa “witness protection program”, posible nga hingyuon sang maskin sin-o nga luyag nga mangin testigo sa flood control projects.
Nagpanindugan si Remulla nga magapabilin nga pribado ukon confidential ang ila mga gin-istoryahan.
