Ginpahayag sang Philippine National Police (PNP) nga 13 ka dugang nga mga kaso ang ila nga igapasaka batok sa mga suspetsado sa pagpatay kay Negros Oriental Governor Roel Degamo.
Suno kay PNP spokesperson P/Col. Jean Fajardo igabuyagyag ang pangalan sang mastermind kadungan sa pagfile sang mga kaso.
Pahayag sini nga sa 13 ka mga kaso nga iga-file, kalakip ang apat nga mga naaresto kag 12 ka mga John Does bilang respondents.
Suno ka pinuno sang Special Task Force Degamo, Interior and Local Government Secretary Benhur Abalos, nga sa karun kabug-usan nga 17 ka mga kaso na ang nafile batok sa mga suspetsado nga ginalakipan sang walo ka kaso sang murder, anom ka frustrated murder, isa sa pagbayolar sa Republic Act (RA) 10591 kag duha ka bayolasyon sa RA 9561.
Panawagan naman ni Abalos sa mga suspetsado nga padayun pa nga ginapangita, kalakip na ang mastermind, nga magsurrender na sa otoridad.
Samtang, ginpanginwala naman ni Abalos ang alegasyon nga ang iya nga efforts sa Degamo case ang isa ka political vendetta, bangod panindugan sini nga dapat manabat kun magpatay sang tawo nga kaangay nga nagapatay lamang sang makaluluoy nga sapat.
