13 tanan ka balay kag 58 ka mga inidibidwal ukon 12 ka pamilya ang apektado sa sunog nga nagluntad sa Barangay 1 sa ciudad sang Kabankalan sang Miyerkules, pasado alas 3:00 sang hapon.
Bangod nga human sa light materials ang mga balay sa squatter area, madasig ang paglapta sang kalayo.
Sa interview sang Bombo Radyo kay Kabankalan City Mayor Benjie Miranda, nakahatag na ini sang bulig pinansyal gikan sa personal sini nga kwarta kag may yara man sang inisyal nga bulig nga tag P2,000 kag food packs sa kada pamilya naggikan sa ciudad kag City Social Welfare and Development Office (CSWDO).
Samtang, ginaprocess pa ang tag P10,000 nga financial assistance nga ihatag kag mga materyales sa pagpatindog sang balay.
Temporaryo nga gin-evacuate sa covered court kag Violence against Women and Children (VAWC) desk sang Barangay ang mga biktima.
Samtang, padayon naman ang imbestigasyon sang Bureau of Fire Protection – Kabankalan City sa ginhalinan sang sunog apang isa sa gina-alegar nga gintunaan sini amo ang kandila.
