Nangin madinalag-on ang pagpatigyon sang 51st Dinagsa Festival kahapon.
Nagperform ang walo ka mga tribu nga gikan sa gintingob nga 22 ka mga Barangay sa street dance competition kun sa diin nagdaog bilang kampyon ang Tribu Sicablun Quatro kag nagpauli sang P200,000 nga premyo kag dugang nga P50,000 para sa Best in Costume kag Choreography; second place ang Tribu Tinambi Tres nga nagpauli sang P175,000, 3rd place ang Tribu Bucad-Cadiz Viejo nga nakabaton sang P125,000 nga premyo kag fourth place ang Tribu Hilaton nga nagbaton sang P100,000.
Samtang, indi lamang mga Cadiznon ang nagpadulong para magselebrar, yara man didto ang mga bisita gikan sa luwas sang ciudad kag madamo man sang mga foreigners nga nagpadulong.
Wala man sang problema sa pagpark sang mga salakyan matapos nga ginbuksan ang reclamation area agud mangin parking space.
Sa interview sang Bombo Radyo Bacolod kay Police Lt. Lovella Cordova, deputy chief of police sang Cadiz City Police Station, matawhay ang pagpatigayon sang selebrasyon kag wala sang dalagko nga insidente.
Suno diri, may yara sang nareport nga may duha nga nadulaan sang cellphone kag may mga kabataan nga nagtalang apang sila ang gindala sa watch tower kag didto na ginclaim sang mga ginikanan.
agpaandam si Cordova nga basta maglakat mas maayo nga dutayon lang ang dala kag magulu-aligmat sa palibot.
