Arestado ang isa ka tricycle driver sa drug buybust operation nga ginpatigayon sa Purok Pedring, Barangay Estefania, Bacolod City.
Sa interview sang Bombo Radyo Bacolod kay Police Major Elmer Bonilla, station commander sang Bacolod Police Station 4, sila ang nagpatigayon sang monitoring bangod sa mga nabatun nga impormasyon nga ang suspect ang nagaplastar kag nagabaligya sang illegal nga droga sa lugar.
Sang mavalidate ang report, didto na ang mga ini nagpatigayon sang drug buybust operation batok sa suspect.
Nakuha diri ang duha ka bulto sang suspected shabu nga may ginabanta street value nga P68,000.
Suno kay Bonilla, ang suspect ang nakahunong na sa ila nga estasyon kag ini ang subject for interrogation agud matumod ang sources sang suspected shabu.
