Nakuhaan sang isa ka sachet sang suspected shabu ang isa ka lalaki nga nagamaneho sang tricycle sa checkpoint sang Talisay City Police Station sa National Highway, Barangay Zone 15, Talisay City, Negros Occidental ala 1:56 kaina sang kaagahon.
Suno kay Police Major Rhazl Jim Jocson, deputy chief of police sang Talisay City Police Station, nanotisyaran sang mga pulis nga nagtuyo kuntani nga maglikaw si John Kevin Ramirez, 32-anyos, residente sang Barangay Zone 10, Talisay City sang nakit-an sini nga may checkpoint.
Apang natigayon ini nga matsekyar sang mga kapulisan kag nakuhaan sang isa ka sachet sang shabu sa iya bulsa.
Nahibaluan man nga may rekord ini sang pagpangawat nga iya naman naserbehan sang una.
Sa karun nakahunong si Ramirez kag magapangatubang sang nagakaigo nga kaso.
