Tricycle driver, nasapwan nga patay matapos ma cardiac arrest sa San Carlos City

Nasapwan nga wala na sang kabuhi ang isa ka tricycle driver matapos nga gin-atake sang cardiac arrest sa ciudad sang San Carlos, Negros Occidental, alas- 7:00 sang aga, sang Huwebes.

Ang biktima ang ginkilala nga si Jolito Mahusay, 49 anyos, residente sang Greenville Bato, Brgy Rizal, ciudad sang San Carlos.

Suno kay Police Lt. Col. Nazer Canja, hepe sang San Carlos City Police Station, nasapwan na lamang sa likod sang Gaisano Mall si Mahusay nga wala na sang kabuhi.

Wala naman sang nakita nga foul play ang kapulisan kag santo sa pag-examine sang doktor, cardiac arrest ang rason sa pagkapatay sang biktima.