Patay ang 52 anyos nga drayber sang tricycle sa nagluntad nga aksidente sa National Road, Sitio Albina, Purok 9, Barangay Poblacion 1, Sagay City, Negros Occidental, sang Miyerkules alas-10:20 sang gab-i.
Sa interview sang Bombo Radyo kay PLt Col Alvimar Flores, hepe sang Sagay City Police Station, padulong sa Escalante City ang tricycle nga ginamaneho ni Teofilo Balasabas Jr., residente sang Hacienda Luisita, Barangay Poblacion 1, Sagay City, samtang gikan naman sa Escalante City padulong sa Bacolod City ang wing van nga ginamaneho ni Bobby Prieto, 42 anyos, residente sang Purok 1, San Antonio, Magalang Pampanga.
Suno kay Flores, nabunggoan sang tricycle ang wing van kag gintinguhaan ni Prieto nga likawan ang tricycle ni Balasabas apang wala na sini nahingagaw pa.
May settlement naman sa karun sa duha ka bahin kun sa diin nakahatag na sang inisyal nga bulig ang kompanya nga nagapanag-iya sang wing van sa pamilya sang napatay.
