Pilason ang isa ka tricycle driver matapos aksidente nga matiruhan sang riding in tandem nga nagatarget sang jail officer sa National Highway sang Purok Proper, Barangay Tabunan, Bago City, Negros Occidental alas-4:15 kahapon sang hapon.
Ang biktima ang ginkilala nga si Alyas Eduardo, 57 anyos, kasado, tricycle driver kag residente sang Brgy Cabug, Bacolod City.
Sa interview sang Bombo Radyo Bacolod kay Police Lt Col Roberto Mupas, hepe sang Bago City Police Station, patapos na sa pagpacarwash sang iya Suzuki Mini Van ang 29 anyos nga Jail Officer 1 sang Negros Occidental District Jail sang siya ang hinali nga gintiro sang backrider sang isa ka motorsiklo.
Apisar sa pila ka pagpalupok sang armas, wala maigo ang jail officer, nga residente sang Gua Barbasa, Antique bangod ini ang nagpalipod sa iya salakyan; apang nasalabat sang bala ang nagalabay nga tricycle driver.
Narecover sa lugar ang lima ka basiyo sang cal. 9mm ammunition.
Maayo naman ang sitwasyon sang nasalabat sang bala, bangod indi man patal ang igo sini sa nawala nga dughan.
Suno sa jail officer, wala man ini sang kontra, sa karun padayun pa ang pagtumod sang mga kapulisan sang motibo kag may kahimuan sang pagpangluthang.
