Pilason ang isa ka tricycle driver matapos ginluthang sa Brgy. 1-A, Manapla.
Ginkilala ang biktima kay Daniboy Pasco, 38 anyos kag residente sang Central Lourdes, Sta. Mesa, Manapla.
Sa interview sang Bombo Radyo kay Police Captain Janick Bermudez, hepe sang Manapla Police Station, ginpahayag sini nga nagamaneho sang tricycle si Pasco sang ginsundan ini sang duha ka lalaki nga nagasakay sa motorsiklo, nagasuksok sang nagamask kag hinali lang nga gintiro.
Suno sa iya, nakabati sang duha ka lupok ang mga residente kag sang ikaduha nga pagtiro, nagbunggo ang tricycle sang biktima sa gate sang isa ka establishimento.
Nakaangkon si Pasco sang igo sa ulo kag yara sa karon sa balay bululngan.
Isa naman ka anggulo nga ginatulok sang mga kapulisan ang pahayag sang asawa sang biktima nga may yara sang may nagadumot diri bangud nagakontrata ini sang pika-pika kag may yara sang ginpahalin nga empleyado.
Sa karun, nagapadayon pa ang imbestigasyon sang mga kapulisan agud matumod ang mga suspetsado.
