Ginpahayag ni former senator Antonio Trillanes IV kahapon nga dapat pamangkuton ang Senate impeachment court kun ngaa wala ini gin-isyuhan sang subpoena agud ipresenta bilang testigo para sa prosecution sa impeachment trial ni Vice President Sara Duterte.
Suno kay Trillanes, handa siya para maghatag sang iya testimoniya.
Suno diri, naghatag sang lista ang prosekusyon sang mga ipa-subpoena kag wala ang iya pangalan.
Para kay Trillanes, maathag nga indi siya welcome sa impeachment court.
Nag-suggest pa ini sa media nga isa-isahon pamangkot ang mga senator judges kun sin-o ang pabor kag ang nagapamatok sa iya agud makumpirma ang iya ginasiling.
Madumduman nga si Escudero ang wala nag-issue sang subpoena para kay Trillanes apang ginpaathag nga ang desisyon wala nagapamalabag sa prosekusyon nga ipresenta ang anay senador bilang voluntary witness.
Sa ulihi, gin-drop sang prosecution si Trillanes bilang isa sa ila mga witness.
