Dululungan nga nagradwar ang triplets nga sanday John Christian, John Paul, kag John Carlo Jalasco sa kolehiyo.
Ang tatlo mga residente sang EB Magalona kag nag-eskwela sa Carlos Hilado Memorial State College-Alijis Campus.
Nagtaliwan ang ila iloy sang ginbun-ag sila nga tatlo kag sang tuig 2015 napatay man ang ila amay bangod sa leptospirosis.
Suno kay John Christian Jalasco, nagatinir sila sa karun sa ila lolo kag lola kag mga tiyo nga amo ang nagbulig sa ila sa pag-eskwela.
Suno diri, masami nga indi sila makilal-an sang mga tawo, kag nagakasal-an ang isa kag isa sa ila halin sa eskwelahan tubtob kun kaisa nga akigan sa ila balay.
Siya naggradwar sa kurso nga Bachelor of science in industrial Technology major in Electrical Technology.
Samtang suno naman kay John Paul O. Jalasco kag John Carlo O. Jalasco, nagakasal-an ang isa kag isa sa ila apang nagapakilala man sila.
Suno pa sa ila, tuman ang ila pagpasalamat sa tanan nga nagbulig sa ila agud makatapos sa pag-eskwela kag nagtindog nga ginikanan nila.
